Series: TypeScript Basics Lesson 63

Pick

TypeScript'dagi Pick utility type'i: mavjud type'dan kerakli maydonlarni tanlab, yangi type yaratish, afzalliklari va API so'rovlaridagi real misol.

63-dars

Pick

TypeScript'dagi Pick ham xuddi Record kabi yordamchi type (utility type). Uning vazifasi — mavjud interface yoki type'dan faqat o'zingizga kerakli bo'lgan qismlarini (maydonlarini) "terib olib" (tanlab), yangi type yaratish.

Inglizcha "pick" so'zi "tanlab olish", "terib olish" degan ma'noni anglatadi.

Oddiy qilib aytganda: Pick<SourceType, Keys>.

1. Oddiy misol

Tasavvur qiling, sizda katta User degan interface bor. Unda foydalanuvchining hamma ma'lumotlari saqlanadi:

interface User {
  id: number;
  name: string;
  email: string;
  age: number;
  address: string;
}

Lekin sizga qandaydir ekran (masalan, foydalanuvchining qisqacha profili) uchun faqat uning ismi va emaili kerak, xolos. Bunday paytda Pick yordamga keladi:

// User interface'idan faqat 'name' va 'email'ni tanlab olamiz
type UserBasicInfo = Pick<User, "name" | "email">;

// Hosil bo'lgan yangi type xuddi shunday ko'rinishda bo'ladi:
// type UserBasicInfo = {
//   name: string;
//   email: string;
// }

const profile: UserBasicInfo = {
  name: "Ali",
  email: "[email protected]",
  // id yoki age qo'shmoqchi bo'lsangiz, TS xato beradi!
};

Ichkarida Pick — mapped type (61-dars): { [P in K]: T[P] }, bu yerda K — T'ning kalitlaridan tanlanganlari (K extends keyof T).

2. Nima uchun kerak? (Afzalliklari)

  • DRY (Don't Repeat Yourself — takrorlanishdan qochish): bir xil xususiyatlarga ega yangi interface'ni noldan qayta yozib o'tirmaysiz. Mavjudidan shunchaki sug'urib olasiz.
  • Xavfsizlik va moslashuvchanlik: agar asosiy User interface'ida email maydoni string | null'ga o'zgarsa, Pick orqali yaratilgan qism ham avtomatik ravishda yangilanadi. Kodni bir joyda o'zgartirish kifoya qiladi.

3. IT loyihalaridagi real misol (API so'rovlari)

IT sohasida, masalan, foydalanuvchini ro'yxatdan o'tkazishda (Register) bazadan keladigan hamma narsa ham kerak emas.

interface UserAccount {
  id: number;
  username: string;
  passwordHash: string;
  createdAt: string;
  isActive: boolean;
}

// Yangi foydalanuvchi yaratishda faqat username va passwordHash kerak bo'lsa:
type CreateUserDTO = Pick<UserAccount, "username" | "passwordHash">;